A Comunidade de Regadores de Fonte dá Campela, en lugar de Outeiro, leva desde o pasado xoves sen poder acceder á auga de regadío. O motivo, a construción dunha nova vivenda particular con licenza que, co levantamento dun muro, destruíu parcialmente unha presa que chega directamente da fonte. Esta perda da subministración afecta a preto de 50 familias do barrio de Mogor, que agora se uniron para loitar pola recuperación da presa de auga.
"É unha presa de auga que levantaron os nosos antepasados", explican os afectados pola obra, que por primeira vez víronse sen subministración para os regadíos. Antigamente as leiras de regadío tiñan un valor engadido e "iso ía pasando duns aos outros. Hoxe en día non se usa coma antes, pero as leiras con dereito a regadío están protexidas pola lei e as augas que regan sempre teñen que saír a superficie, sempre teñen que estar a vista, precisamente para evitar que alguén se apropie delas", anotan.
 |
| Muro construído encima dunha das presas de auga. A. PAZ |
Aos veciños de Mogor non só preocúpalles a destrución da presa, senón que o particular da obra acábese apropiando das augas: "Dínos que vai a canalizar as augas, pero nos fiamos. Dubidamos que teña unha autorización para facer o que fixo".
A finais da semana pasada, a comunidade deu avisou á Policia Local, que aínda non volveu a contactar con ela. "A obra continúa coma se nada e sen presenza de ninguén por parte do Concello", manifestan os veciños, que desde onte xa comezaron a recoller firmas para presentar a denuncia no Concello de Marín e Augas de Galicia.
A pesar de contactar co propietario da vivenda para queixarse da situación, as obras "continuaron coma se nada", polo que os veciños optaron por unirnos "para pelexar polo regacho e que as augas non se perdan. Queremos que se restitúa o estado orixinal da presa". A destrución da presa tamén derivou noutros problemas para os veciños, como a inundación dalgunhas leiras debido á perdida da auga, afectando así ao cultivo.
