A pesar da gran aposta do Concello marinense por continuar celebrando festexos en pequeno formato, adaptados á situación actual motivada pola crise sanitaria do coronavirus, o Goberno local ha decidido cancelar a XXII edición da Festa da Mazá e da Sidra de Santomé, prevista para os días 10 e 11 de outubro.
Esta é unha das poucas veces que se suspende esta festa gastronómica, unha das máis importantes que se celebran no rural marinense. En anteriores edicións o festexo foi un auténtico éxito, chegando a reunir preto de 3.000 asistentes.
De feito, na edición do ano pasado, a organización estimou a necesidade de recoller preto de 5.000 quilos de mazá para elaborar 2.000 litros de sidra, unha mostra do gran éxito que supón esta conmemoración gastronómica en Santomé.
É por iso que o Concello considerou "complicado" manter un control de aforamento e cumprir as medidas de hixiene e seguridade necesarias pola crise da covid-19 nun festexo ao que acode esa gran cantidade de asistentes. Ademais, ao ser unha festa gastronómica a manipulación dos alimentos, así como o servizo de mesa por parte da organización, convértese nun hándicap para poder cumprir ao pé da letra con todas as medidas recomendadas.
A Festa da Mazá e da Sidra de Santomé adoita incluír diferentes actos que aglomeran a un gran número de persoas, como é un mercado de produtos elaborados a base de mazá, a verbena e exhibicións. O ano pasado tamén coincidiu coa celebración da Carreira Pinga Pinga.
A edición XXII da Festa da Mazá e da Sidra de Santomé, se as condicións sanitarias permíteno, será desenvolvida o próximo ano.
