Rodrigo Nogueira, coñecido como o donxoán de Marín por estafar a un centenar de mulleres en toda España a través dunha web de citas, volveu a ser condenado por estafa por un xulgado.
A sección 15 da Audiencia Provincial de Madrid impúxolle un ano de prisión por estafar a unha moza madrileña e á súa nai, ás que enganou facéndose pasar por empresario dunha compañía que, segundo díxolles, tiña "importantes beneficios"
Ademais da pena de cárcere, Nogueira terá que pagar 1.080 euros de multa e 3.757 euros de indemnización, segundo recolle a sentenza á que tivo acceso Efe e que lle considera autor dun delito continuado de estafa co agravante de reincidencia.
Os maxistrados consideran probado que o donxoán de Marín iniciou unha relación sentimental coa moza en febreiro de 2018 e, ao pouco tempo, empezou a vivir con ela.
Logo de "gañar a súa confianza" da moza e da súa nai, apunta a sentenza, este comezou a pedirlles diñeiro "que lle foi entregado en man".
Esta entrega de diñeiro produciuse polo menos en tres ocasións, dúas delas coa escusa dunhas obras que a nai da súa noiva quería facer no seu piso e que, segundo a Audiencia de Madrid, "nunca se realizaron".
Ademais, a súa parella entregoulle 1.000 euros polo 35% das accións da súa empresa, unha firma que "non existiu nunca nin ten actividade", apuntan os maxistrados.