As Illas Cíes colgan o cartel de completo durante toda a semana, ata o vindeiro domingo día 30, mentres que a Illa de Ons alcanza a cota total de visitantes este luns e este martes e prevese que suceda nalgunha outra xornada máis a medida que avance a semana.
A naviera Mar de Ons destaca o éxito que as saídas desde os portos de Portonovo e Sanxenxo conseguiron durante todo o verán e anuncian que manterán o servizo con destino ás Illas Cíes ata o próximo 6 de setembro aínda que non descartan amplialo unha semana máis se continúa a demanda.
No caso das Illas Cíes, a páxina oficial para expedir as autorizacións obrigatorias da Xunta non dispón de novos accesos ata o vindeiro domingo día 30. As últimas prazas para o sábado esgotáronse onte durante a tarde e desde Mar de Ons esperan que se esgoten tamén as de días vindeiros.
No cámping pola súa banda xa colgaron o cartel de completo para toda a semana a excepción do domingo, así como para o próximo 5 de setembro.
ONS. As prazas dispoñibles para acceder á Illa de Ons este martes esgotáronse o&luns nbsp;durante a tarde, unha situación que se repetiu tamén o luns e que desde a naviera Mar de Ons esperan que se volva a producir ao longo da semana para outras xornadas.
No cámping pola súa banda a web de reservas impide solicitar unha estancia en calquera das súas modalidades durante os próximos días e marca o día 30 como a primeira data dispoñible para pasar a noite no recinto.
