Uns descoñecidos asaltaron o xoves de madrugada unha pescadería de Marín, de onde, segundo o seu dono, levaron máis de 1.000 euros, mercancías e outros obxectos, entre eles unha virxe.
"Ás 5 da mañá, cando ía para a lonxa, xa vin a pechadura rebentada, a neveira aberta, aquí enriba estaba a Virxe do Carme, levaron a Virxe do Carme", explicaba este venres en declaracións á TVG.
Entre a mercancía subtraída figura varias caixas de lagostinos, lagostinos e gambóns, ademais dunha báscula. Este venres tiña previsto presentar a denuncia na Comisaría.