Un home de 46 anos foi detido pola Policía Nacional acusado de vender droga en Marín, principalmente entre mozos do municipio.
Ao detido investígaselle por un presunto delito de tráfico de drogas, ao considerarlle os investigadores o responsable dun punto de venda e distribución de estupefacientes.
A operación contra esta persoa desenvolveuse o pasado venres 9 de abril, segundo informou a Policía Nacional, a partir dun dispositivo de vixilancia que permitiu incautar pequenas cantidades de haxix e marihuana a varios compradores.
O vendedor foi interceptado polos axentes cando ía subirse a un vehículo conducido por outra persoa.
No cacheo de seguridade, as autoridades acharon unha bolsa de plástico con 25,5 gramos de cocaína sen cortar, o que aumentaría a súa cantidade para a súa distribución e venda.
O detido, xunto coa droga incautada, foi posto a disposición do xulgado de garda de Marín.
