A Policía Nacional detivo este martes en Marín a catro homes, un de 51 anos de idade, outro de 69, e dous máis de 24 anos, todos eles de nacionalidade española e con domicilio en Madrid, por un delito de roubo con intimidación a un matrimonio de anciáns.
Os feitos producíronse o
FALSOS MÉDICOS. Segundo manifesta unha das vítimas, o día anterior recibira unha chamada telefónica na que un home lle informaba que o chamaba desde o hospital para indicarlle que a última hora do día seguinte pasaríase o médico polo seu domicilio para darlle un tratamento preventivo contra ao covid-19.
Ao seguinte día, tal como informáronlles e cando se atopaban no interior do seu domicilio, soou o timbre, abriron a porta e un home presentouse como un medico de asistencia que viña administrarlle un tratamento para que non puidesen contaxiarse co covid-19.
O denunciante, xa no salón da súa casa, comezou a conversar cos dous homes mentres estes administrábanlle diversas pastillas á súa muller, á vez que lle dicía que sentase no sofá. Minutos máis tarde, a muller perdeu a consciencia e un dos homes atou ao marido, preguntándolle onde gardaban o diñeiro, mentres o segundo delincuente comezaba a rexistrar a vivenda.
VÍTIMAS. Tras completar o roubo, obrigaron á vítima a inxerir supostos tranquilizantes, que lle fixeron perder a consciencia. Ao espertarse, completamente aparvado, o home conseguiu soltarse as ataduras e atender á súa esposa, aínda inconsciente, antes de pedir axuda aos veciños.
Inmediatamente deuse aviso á Sala Operativa Cimacc 091 de Vigo, que desprazou dúas ambulancias para asistir ás vítimas, que foron trasladadas e ingresadas no Hospital Álvaro Cunqueiro de Vigo.
O denunciante declarou que só recorda que os agresores abandonaron o domicilio, pero non puido achegar máis información sobre a súa identidade. O que si revelou é que, tras o asalto, descubriu que lle faltaba a carteira coa súa documentación, así como ao redor de 3.000 euros en metálico que gardaba na cómoda.
INVESTIGACIÓN. As pescudas dos corpos de seguridade permitiu descubrir que os dous homes non actuaron sos, senón que contaron co apoio doutros dous individuos, todos cun amplo historial delituoso en diferentes puntos da xeografía nacional –entre todos suman 59 detencións anteriores–.
Deste xeito, os axentes despregaron un dispositivo este martes que acabou coa detención dos catro presuntos delincuentes en Marín, desde onde foron trasladados á Comisaría de Policía Nacional de Vigo-Redondela.
Os detidos e todo o actuado pasou a disposición do Xulgado de Instrución número 2 de Vigo.
