As xornadas máis potentes das Festas do Carme desenvolveranse desde este xoves coas máximas medidas de seguridade e prevención fronte á covid 19. O Concello entende que "se todos colaboramos facendo o que xa sabemos que hai que facer (máscaras, distancia social, facernos festas en casas ou en lugares apartados...), entendemos que teremos as festas que todos merecemos e co mínimo risco de contagios", tal como explicou a alcaldesa, María Ramallo.
As rexedoras recoñeceu que o número de casos e a incidencia acumulada subiron en Marín, pero matizou que "preparamos todas as actividades das festas con arranxo aos protocolos establecidos e cumprindo todas as medidas de seguridade indicadas polas autoridades sanitarias".
Ademais, incidiu en que se despregará un dispositivo especial da Policía Local, coordinado coa Policía Nacional. "Esperamos que coa súa presenza sexa suficiente para concienciar a todo o mundo da necesidade de seguir as normas, aínda que tamén adoptarán calquera medida que sexa precisa para que se cumpran", incidiu.
A alcaldesa insiste en que estando ao aire libre, con máscaras e cumprindo a distancia social de 1,5 metros en todo momento, matizando que "é algo que sabemos todo, que é moi fácil de cumprir e que supoñen unha enorme barreira para o virus".
DVICIO E PARÍS. A programación do xoves comezará ás 12.00 horas coa actuación de Violencia Cero, o programa de Mulleres en Acción da Deputación, na Alameda, a cargo de Sue Moreno. Pola tarde, desde as 20.30 fará un pasacalles a Charanga Noroeste e ás 21.00 o Mago Paco fará as delicias dos nenos na Alameda. O parking da Praza de España acollerá ás 22.30 o concerto de DVicio. Finalmente, ás 23.00 comezarán as actuacións de Condutores Suicidas, Pop Rock e Café con leche e Moonsing na Alameda, Méndez Núñez e Ezequiel Massoni, respectivamente.
O venres, Día do Carme, comezará cos pasacalles de Picuiña e seguirá ás 12.00 coa Misa cantada pola Coral Lembranzas no Templo Novo (con aforamento reducido). ás 13.00 horas ofrecerá un concerto a Banda de Música de Catoira.
Para a tarde estaban previstas a tradicional ofrenda floral á Virxe do Carme e a procesión marítimo terrestre. No entanto, o gran aumento de casos positivos de Covid-19 no municipio durante os últimos días levou á Confraría a tomar a decisión de cancelar ambas as actividades por precaución sanitaria. A procesión estaría acompañada do Grupo Os Chaneiros, que ás 21.00 continuarían cuns pasacalles, o cal segue vixente. Tamén ás 21.00 horas terá lugar a actuación infantil Tarabelos na Alameda.
De novo, ás 22.30 horas, comezará o musical que está a presentar a orquestra París de Noia na Praza de España. E ás 23.00 continuará a música coa Banda do Sequío, Os Coleguitas, Legends e Chroma na Alameda, a rúa Méndez Núñez, Praza 8 de Marzo e a rúa zequiel Massoni, respectivamente.
As portas para os concertos de DVicio e París de Noia abriranse ás 21.30 horas para evitar aglomeracións e pasarán as 1.830 persoas que reservaron o seu pase con anterioridade. ás 22.30 liberaranse todas as entradas daqueles que non accedan, para o público que desexe asistir. Todo o público estará sentado e con distancia de seguridade, con máscara e non se poderá comer, beber nin fumar.
Este concerto forma parte da xira conmemorativa do 25 aniversario de A irmandade das estrelas. Este ano celebra os 25 do seu primeiro disco, que leva este título e que marcou un fito na música galega.
REEDICIÓN DEL DISCO. As novas xeracións están descubrindo e reivindicando ese traballo e o encontro con artistas nov@s é unha das vías que escolleu o gaiteiro vigués para celebrar o aniversario, gravando novos temas para incluir na reedición en vinilo e en dixital.
