O equipo xudicial que participará nas operacións de procura e inspección do Vila de Pitanxo xa está ao completo. A última hora do xoves hora española, o Ártabro, buque que se ocupará da operación, chegou ao porto de San Xoán de Terranova para recoller un segundo perito xudicial e o de parte, solicitado e designado polas familias. Desta forma, únense aos outros dous e ao observador que xa estaban embarcados.
Neste momento, o Ártabro permanece amarrado na illa canadense, pero se espera que parta nas próximas horas cara ao punto onde naufragou a Vila de Pitanxo –a unhas 450 millas da costa– para comezar a localización. Espérase que o buque OSV de ACSM Shipping chegue este sábado ao lugar do afundimento. Unha vez alí, os especialistas traballarán nunha área diaria de 25 quilómetros cadrados.
As familias, tras a polémica xerada na última semana, desexan que "todo se reconduza e a expedición vaia ben".
