Unha persoa resultou ferida tras saírse da vía o vehículo no que viaxaba este martes en Bueu. O sinistro ocorreu pouco logo das 10.15 horas na estrada EP-1301.
O 112 foi alertado pola Policía Local e mobilizou aos Bombeiros do Morrazo, axentes da Garda Civil de Tráfico e efectivos sanitarios do 061, que evacuaron á persoa implicada no accidente. Foi necesario que bombeiros lle axudasen a saír do interior do vehículo.