O que fora alcalde de Moaña entre 2003 e 2011, o nacionalista Xosé Manuel Millán, faleceu este xoves, tras "toda unha vida comprometida co nacionalismo galego".
Así o describe o BNG na súa conta de Twitter, na que informa o falecemento do que fora alcalde esta localidade pontevedresa. "Sempre na nosa memoria", reza a mensaxe en redes sociais.
Faleceu o noso compañeiro Xosé Manuel Millán. Toda unha vida comprometida co nacionalismo galego. Foi alcalde de Moaña entre 2003 e 2011.
Sempre na nosa memoria! pic.twitter.com/cAypu81gPr— BNG (@obloque) October 29, 2020
Ademais, o exalcalde e profesor de instituto, que faleceu aos 56 anos e é pai de dúas fillas, foi membro da corporación municipal entre 1999 e 2015.