Os veciños e veciñas de Bueu choraban este mércores a morte do cabeza da familia propietaria das empresas Naviera Nabia e Grupo Acuña, Manuel Otero, que faleceu aos 73 anos logo de meses loitando contra un cancro. O enterro é este xoves na vila.
Coñecido entre os seus veciños como Jarulo, Manuel Otero, natural da Illa de Ons, dedicou toda a súa vida ao mar "e transmitiu a esta gran familia ata o último día o seu amor por estas illas", indicaba en redes sociais a empresa de transporte marítimo. Os veciños de Bueu non tardaron en transmitir as súas condolencias e en dar o pésame á familia.
