Unha persoa resultou ferida ao producirse un accidente de tráfico entre un turismo e unha moto, no concello de Cangas.
A colisión tivo lugar a poucos minutos das 16:30 horas e o 112 tivo constancia da mesma mediante a chamada do 061. Os servizos médicos indicaban que o choque acababa de producirse na Avenida de Ourense e que había persoas feridas.
Así, o 112 Galicia informou aos axentes da Policía Local, aos Bombeiros do Morrazo e aos membros de Protección Civil de Cangas. Estes últimos, chegados ao lugar do sinistro, confirmáronlle ao CIAE-112 que unha persoa foi trasladada ata o centro de saúde, polo persoal sanitario.
