Un motorista resultou ferido na mañá deste sábado en Moaña, tras saírse da estrada á altura de Broullón.
O 112 informou de que foron os servizos sanitarios os que, ás 11.45 horas, contactaron co Centro Integrado de Atención ás Emerxencias de Galicia para informar da saída de vía do motorista.
Así, deuse aviso aos Bombeiros do Morrazo, Garda Civil de Tráfico, Policía Local e Protección Civil. Finalmente, o persoal sanitario confirmou que o ferido foi trasladado ao Hospital Álvaro Cunqueiro de Vigo.
Este mesmo sábado, un motorista faleceu en Carral, na provincia da Coruña, tras chocar cunha furgoneta na estrada N-550.
