Tres persoas resultaron feridas nunha colisión múltiple na que se viron implicados cinco vehículos. Ocorreu en Marín pouco antes do mediodía.
Foi un particular quen contactou co 112 para informar o sinistro e pedir asistencia médica para as vítimas. Desde o Centro Integrado de Atención ás Emerxencias de Galicia avisouse aos profesionais sanitarios e aos axentes da Policía Local.
Finalmente, os axentes confirmaron que un total de tres persoas necesitaron atención médica e foron evacuados ao centro hospitalario de referencia.