Un accidente de tráfico en Cangas saldouse este mércores con catro persoas feridas, tres delas menores de idade, informaron fontes do 112 Galicia.
O sinistro tivo lugar ás 13.00 horas na avenida de Lugo, onde o vehículo no que viaxaban os feridos sufriu unha saída de vía e chocou contra un transformador.
Este incidente provocou que a zona quedase sen subministración eléctrica durante unhas horas. Os feridos foron evacuados ao centro hospitalario de referencia para a súa observación.
