O Consello de Ministros nomeou este venres á galega, Carmen Buján Freire (1964, Bueu, Pontevedra), como nova embaixadora de España en Mozambique.
Buján Freire é licenciada en Dereito pola Universidade de Santiago de Compostela e máster en Dereito Europeo Comparado pola Universidade de Exeter. Ingresou en 1993 na Carreira Diplomática.
Entre outros cargos desempeñou o de inspectora xeral xefe de Servizos, embaixadora representante permanente de España ante as Nacións Unidas e demais Organizacións Internacionais con sede en Viena, directora xeral de Asuntos Estratéxicos e de Terrorismo, conselleira política da Embaixada de España en Buenos Aires, subdirectora xeral de Terrorismo.
Así mesmo, a nova embaixadora española na República de Mozambique, estivo destinada nas embaixadas de España en Budapest, Islamabad, e Bucarest.