Divulgar e achegar á cidadanía as posibilidades da intelixencia artificial é o principal obxectivo do recente traballo do marinense Pablo Navarro, que decidiu facer uso dos recordos en branco e negro dos seus veciños para mostrar as posibilidades das novas tecnoloxías. O Ateneo Santa Cecilia acollerá ata
O marinense, que estudou física e traballa como desarrollador de software na actualidade, deu con esta posibilidade hai uns meses cando se atopou coa tecnoloxía, un software creado por un informático de Silicon Valley que decidiu liberar o seu funcionamento para que este puidese ser empregado por outras persoas ao redor do mundo, e Pablo Navarro foi unha delas.
O seu principal obxectivo para esta nova tecnoloxía é achegalo a nivel local, democratizando o seu uso e buscándolle unha utilidade non só no ámbito cultural, senón nunha actividade que conectase especialmente cos veciños. Con esa idea en mente xurdiu a posibilidade de utilizar fotos antigas de Marín en branco e negro do extenso arquivo que posúe o Ateneo Santa Cecilia e devolverlles a súa cor sen ningún tipo de intervención humana.
«É necesario pechar esas brechas de coñecemento porque ao final vai redundar en beneficio da comunidade»
Pero Navarro non é o único interesado en facer uso da intelixencia artificial para darlle cor a pezas artísticas. "A compañía que creou o software estivo en conversación con Pixar recentemente para traballar con eles, pero xa o licenciaron na súa versión máis punteira a outra empresa tamén moi coñecida, de restauración do patrimonio cultural", explica. Desde o seu uso en animación para colorear imaxes, ata a súa utilización en casa para colorear fotos, o marinense explica que as utilidades desta tecnoloxía son moi variadas e que se atopa en continuo movemento, mellorando e innovando.
UN PAPEL CULTURAL. "Parte dos obxectivos é demostrar que ten unha utilidade sociocultural. Ensinei estas fotografías á xente maior e por momentos ilumínaselles a cara ao velas", destaca o marinense. Dotar desa posibilidade cultural a esta tecnoloxía é un dos motivos polos que Navarro escolleu fotografías antigas de Marín, reconocibles especialmente entre os propios veciños.
As posibilidades futuras desta tecnoloxía son infinitas e aínda non se sabe con certeza os alcances que terá aínda que se espera que chegue aos fogares de todos moito antes do que nos esperamos. De feito, a preocupación porque estas fotografías coloreadas proliferen e ensombrezan a existencia dos orixinais obrigou aos artistas como Navarro a indicar cun pequeno símbolo nunha das esquinas que se trata dunha fotografía retocada con intelixencia artificial. Un pequeno símbolo que identifica que se empregaron cores artificiais na creación.
FUTURO. Unha práctica de boa ética que leva a cabo coa certeza de que o día de mañá esta tecnoloxía estará tan estendida que será difícil para as xeracións do futuro saber se algún día estiveron en branco e negro. E é precisamente ese medo á invasión da intelixencia artificial o que Pablo Navarro quere achegar á xente de Marín.
"Apetecíame probalo por primeira vez con fotos do meu pobo", explica. "Esta é a primeira vez que sae da miña casa, pero non descarto continuar con iso e seguir divulgando".
DIVULGACIÓN. "Esta tecnoloxía vai automatizar moitos traballos nos próximos anos, transformando o mercado laboral, e iso pode deixar a moita xente na rúa", explica. Polo tanto, "para evitar esa desigualdade de oportunidades, primeiro hai que reducir a desigualdade de coñecemento". "Todos aqueles que teñamos un pouco de coñecemento, creo que é necesario divulgar e pechar esas brechas de coñecemento porque ao final vai redundar en beneficio da comunidade".
"Un estudo que manexa a Unión Europea fala de que para 2030 unha cuarta parte dos postos traballos poden ver tarefas automatizadas", advirte.
O software que se encarga de transformar estas fotos está en continuo cambio. "Fai tan só tres días saíu xa unha versión un pouco mellorada", explica. O sistema perfecciónase co traballo daqueles que continúan introducindo centos de miles de fotografías no sistema e, aínda que as fotos de Pablo Navarro só suporían un pequeno cambio, a súa colaboración e a daqueles que continúan mellorando o ‘adestramento' do software podería ser clave para o desenvolvemento da ferramenta e o seu perfeccionamento.
«Un estudo da UE estima que polo menos unha cuarta parte dos traballos en 2030 terán tarefas automatizadas»
CÓMO FUNCIONA. O funcionamento desta tecnoloxía é simple a primeira vista. A máquina é a que se encarga de decidir que cor corresponde en cada lugar, "non hai intervención humana". A intelixencia artificial baséase nun adestramento previo, "é como un bebé aprendendo a andar, ninguén a explica como ten que moverse exactamente, el apréndeo a base de intentalo", explica Pablo Navarro, "baséase en explorar todas as posibilidades". "Ademais é interesante porque non sabes exactamente o xeito na que o bebé está a aprender, non podes explicar con palabras que está a levar a cabo para conseguilo, a intelixencia artificial funciona de forma moi similar".
Navarro destaca que esta tecnoloxía é moi accesible para todo o mundo e xa hai moita xente traballando para que poida ser utilizada canto antes pola máxima xente posible. "Do mesmo xeito que nós non tivemos que aprender a programar para poder usar Internet, senón que foi este quen se adaptou a nós, con isto ocorrerá igual. Mantéñome optimista".
