O incendio producido nas Raposeiras provocou malestar entre os veciños. Trátase dun lugar abandonado, á beira da antiga nave de Metal Marín. Os residentes na zona afirmaron que non é a primeira vez que hai lume nesta zona, aínda que este non é o único problema existente nas Raposeiras.
En concreto, un dos veciños do lugar aclarou que moitas veces lles ten aparecido o cable do wifi cortado, aínda que non saben quen comete este tipo de fechorías. No entanto, o incendio foi provocado por persoas que, segundo explicou a Policía Local, son ocupas do inmoble próximo á zona.
A veciñanza móstrase moi descontenta coa situación e aseguran estar "cansados deste tipo de incidentes". Así mesmo, esixen que se tomen medidas contra as persoas que provocan a miúdo este malestar.
Os residentes das Raposeiras mostráronse preocupados pola cantidade de lixo que hai no lugar
Unha veciña das Raposeiras contaba que tivo que pechar as fiestras por mor da gran fumareda que desprendeu o incendio debido á calcinación de restos de obras, chatarra, cobre e, sobre todo, materiais plásticos. O equipo de bombeiros permaneceu arrefriando os materiais calcinados durante a noite. A pesar do seu traballo, este mércores pola mañá o lugar aínda desprendía unha pequena fumareda.
Cabe destacar que non é a primeira vez que hai fume na zona, posto que hai un ano, aproximadamente, ocorreu un feito bastante similar, segundo relatou un veciño. Os residentes das Raposeiras mostráronse preocupados pola cantidade de lixo que hai no lugar.
O concelleiro de Urbanismo de Marín, Manuel Santos, afirmou que xa hai un expediente aberto na zona debido ás varias veces que se ordenou limpar as verteduras de lixo que alí se atopan. Así mesmo, asegurou que non se sabe quen é o que tira ese tipo de residuos á zona.
Aínda que se trata dunha propiedade privada os donos do inmoble non son os propietarios deses residuos, pero si deben ser eles os que os retiren, segundo explicou Manuel Santos.
Finalmente, todo quedou nun susto e non se tiveron que lamentar danos graves. Con todo, os veciños demandan medidas a longo prazo para que non se volva a producir un incidente deste tipo e déixese de verter lixo na zona.
