Achégase a Semana Santa e as praias de Marín, como un dos maiores atractivos turísticos da localidade, xa se preparan para recibir veciños e visitantes. Dúas semanas antes do inicio das festividades, que este ano se celebrarán a primeira semana de abril, o Concello deu comezo este xoves á posta a punto dos areais coas habituais tarefas de limpeza, dedicadas a retirar a maleza e outros obxectos arrastrados polas mareas e os temporais.
Como parte destes traballos, tamén se puxo en marcha o acondicionamento das baixadas ás praias de Portocelo e Mogor. O obxectivo é facer estas entradas máis accesibles logo dos efectos do inverno, cuxas condiciones climatolóxicas provocaron movementos de area que dan lugar fochas no terreo.
A concelleira de Turismo, Cristina Acuña, tamén informou o arranque das tarefas de roza no Vial de Praias por parte dos operarios da Asociación Xoán XXIII.
Como novidade para esta semana Santa, tal e como xa se anunciou, o Goberno local contratará servizo de balizamento durante o período vacacional nas tres principais praias do municipio: Portocelo, Mogor e Aguete. Investiranse preto de 10.000 euros na dotación deste servizo, que ten como obxectivo garantir a seguridade de todos aqueles que deciden darse un baño se as condicións climatolóxicas permíteno.