A Policía local de Marín interceptou na mañá deste luns a un condutor marinense con iniciais J.M.R.C, de 52 anos de idade, que circulaba sen o permiso de conducir. Segundo fontes policiais, o home xa fora sorprendido cometendo o mesmo delito en setembro, conducindo o seu vehículo tras perder o seu permiso por esgotar os puntos.
Os axentes investigan agora ao acusado, ao que se lle instrúen dilixencias penais e será sometido a un xuízo rápido o luns 25 de novembro.
A multa por vía administrativa podería ascender aos 500 euros, e por vía penal podería enfrontarse a entre tres e seis meses de prisión.