A Garda Civil investiga a un veciño de Cangas de 49 anos acusado dun presunto delito contra a saúde pública tras serlle intervidos 13 gramos de MDMA, droga máis coñecida como éxtase, nove gramos de metadona e preto de 900 euros en efectivo no seu vehículo.
Os feitos, segundo informou este mércores o instituto armado, sucederon na tarde do pasado luns, cando axentes do corpo detiveron un vehículo nun punto de verificación na PO-551.
Segundo a Garda Civil, o condutor mostrou nerviosismo cando se lle solicitou a documentación, polo que se lle indicou que saíse do vehículo para proceder ao seu rexistro.
No interior do vehículo os axentes acharon un moedeiro cun envoltorio de plástico, que contiña unha sustancia esbrancuxada en forma de cristal e un tubo de xiringa con metadona con 13 gramos de éxtases no seu interior, ademais dunha carteira con preto de 900 euros en efectivo e diversos útiles para proceder ao embolsado da droga.
A investigado conta con antecedentes policiais polos mesmos feitos e agora instrúenselle dilixencias por un presunto delito contra a saúde pública.
