A empresa Marfrío, con sede no Porto de Marín, realizou ejste xoves unha doazón de material aos hospitais da área de Pontevedra, principalmente a Montecelo e Salnés. En concreto, a compañía doou unha suma de máscaras, calzas, batas e gorros e luvas de nitrilo co obxectivo de ontribuír na medida do posible a axudar aos servizos sanitarios.
Logo de realizar un reconto do material dispoñible, xunto con aquel que puideron conseguir de diferentes provedores, Marfrío quedará unicamente co stock mínimo para poder continuar operando durante os próximos 25 ou 30 días. A actividade manterase tanto na fábrica de elaboracións como no frigorífico.
A doazón proporcionou aos diferentes hospitais dun total de 3.500 máscaras, 300 calzas, 150 batas desechables, 125 gorros desechables, e máis de 15.000 luvas de nitrilo.
Desde Marfrío pon en valor as grandes dificultades ás que o sistema sanitario tívose que enfrontar durante esta crise derivada da Covid-19, na que destacan o labor dos profesionais e a necesidade de actuar unidos contra o virus.
Destacan ademais a importancia deste material de protección e están seguros de que será ben recibido pola alta demanda agora existente.
Este acto de solidariedade únese ao resto de xestos que os veciños marinenses levaron a cabo nas últimas semanas. Varios comercios locais han querido pór o seu gran de area na loita contra o virus doando o material á súa disposición aos axentes de seguridade tanto da Policía Local como da Policía Nacional.
Un dos últimos casos foi o do establecemento Marané moda infantil que puxo a disposición dos axentes, 150 máscaras de algodón.
