O Concello de Marín dá o salto a éraa tecnolóxica coa creación dun novo portal web e unha aplicación cuxos contidos serán dirixidos cara ao Turismo e a promoción das actividades e ofertas de entretemento e visitas para os turistas que acoden á localidade.
Con esta iniciativa, o goberno local pretende achegarse máis aos novos métodos e sistemas cos que os habitantes se conectan entre si e coa súa contorna. Queren ademais proporcionan non só ferramentas para que os visitantes poidan obter un plan detallado e información específica do seu interese e "de calidade", afirman, senón asesoramento en canto ao turismo que poden levar a cabo na zona.
A través desta innovación preténdese poder ofrecer aos internautas un lugar multimedia onde poder obter todos os datos necesarios para preparar a súa visita. O plan pretende que a través da aplicación para dispositivos móbiles, os visitantes poidan ver de xeito rápido e sinxelo todas as actividades e propostas que a zona que seleccionaron pódelles ofrecer.
O investimento busca conseguir unha "xestión integral dos contidos turísticos", segundo aseguran desde o goberno local. Unha multiplataforma que permita ademais desenvolver un banco de imaxes e textos descritivos que sirvan de axuda aos usuarios, potenciando así a "promoción da nosa contorna", engaden.
O proxecto conta cun orzamento de 30.000 euros que se subvencionará co correspondente de e está agora en fase de contratación. Segundo informan desde a casa consistorial, xa existen varias ofertas dispoñibles, das cales se seleccionará "a máis vantaxosa" e publicarase no perfil do contratante unha vez sexa seleccionada.
