As cumbias, os merengues e a salsa volveron ser os bailes estrela da noite en Marín un ano e medio despois de que as orquestras baixasen o pano sen saber cando volverían abrilo. A localidade marinense acolleu este sábado unha das seis verbenas piloto organizada pola Xunta de Galicia co obxectivo de que estes eventos regresen canto antes á normalidade. E tras o éxito da proba, todo apunta a que será máis pronto que tarde.
Xa desde as 19.30 horas do sábado, o recinto habilitado para o test, situado no parking da Praza de España de Marín e preparado para 1.000 persoas, empezou a encherse de xente, que puido acceder logo de reservar con anterioridade unha entrada, tal e como marcaba o protocolo, que no caso da localidade marinense esgotáronse en menos de 24 horas.
"É un día importantísimo e fundamental, porque a partir de agora posiblemente reactívese a contratación porque está totalmente paralizada", explicaba a este medio Víctor Rodríguez, coopropietario da Orquestra Marbella e xerente de Gaias Espectáculos, momentos antes do comezo da actuación.
Le a información completa na edición impresa deste sábado de Diario de Pontevedra
