O edificio administrativo da Autoridade Portuaria do Porto de Marín recolle desde onte os datos meteorolóxicos da zona para ofrecer información en tempo real e precisa a todos os cidadáns. levará a cabo a través da primeira estación meteorolóxica da localidade, que se suma ás outras seis existentes na Ría de Pontevedra, e que nace dun convenio entre a Autoridade Portuaria e a Consellería de Medio.
Estes datos, que se poderán consultar a través da web de Meteogalicia, servirán para reforzar a seguridade dos portos galegos a través de sistemas de avisos e incidencias meteorolóxicas. Así o explicou onte a conselleira de Medio Ambiante, Ángeles Vázquez, nunha visita ás instalacións da rada marinense que acollen esta nova estación.
O presidente do Porto, José Benito
Esta colaboración súmase ás xa existentes noutras localidades e portos de Galicia e permitirá ampliar a rede de observación meteorolóxica da Ría de Pontevedra. Con este novo equipamento, a comunidade autónoma suma un total de 157 instalacións que conforman a rede de estacións meteorolóxicas con máis de 1.104 sensores de medición repartidos por toda a xeografía galega e que conforman "unha dás poucas comunidades autónomas que ten un servizo propio de metereoloxía", explicou a conselleira.
datos esenciais. Estas instalacións permiten rexistrar o vento de fondo na ría a nivel do mar e proporcionar información en tempo real ao centro de control das operacións de carga e descarga. Con estes datos poderanse definir as condicións de seguridade necesarias para as distintas actividades que habitualmente levan a cabo na rada.
Doutra banda, axudarán a asegurar a seguridade do acceso dos buques ao porto controlando a incidencia do clima marítimo-atlántico, así como na manipulación de mercancías.
Estes diagnósticos ou predicións meteorolóxicas e oceanográficas serán de gran utilidade para o correcto desenvolvemento da actividade portuaria, pero tamén para a cidadanía da localidade, que poderá consultalos a través da web de Meteogalicia, ofrecendo unha información máis precisa da zona.
"É importante pór en valor a importancia da información que nos vai a proporcionar", sinalou a alcaldesa da localidade, María Ramallo, que recordou que algúns cidadáns debían acudir á estación meteorolóxica de Lourizán para obter os datos. Ademais, aplaudiu a localización desta nova estación. "Este Porto, desde o punto de vista ambiental, é o mellor da contorna".
"Cada dez minutos temos en tempo real todo tipo de información que podemos utilizar para anticiparnos ao coidado do Medio, do noso patrimonio natural e da seguridade do Porto", destacou pola súa banda Vázquez. "Toda Galicia, pero sobre todo a xente de Marín, pode obter xa todos estes datos que nos permiten situarnos en estratexias como a do cambio climático".
