A maxia e a risa chegaron este martes ao Colexio San Narciso. Se xa esta época esta chea de ilusión e emocións, o Mago Paco encargouse de sumarlle un plus a esas sensacións cunha das súas divertidas actuacións, que encheron de risa o auditorio do centro escolar. Os máis pequenos do centro foron os escollidos para vivir unha mañá diferente, deixando as clases por unhas horas.
A visita ao Colexio San Narciso foi a segunda dentro do programa do Nadal do Concello de Marín, no que este ano intentaron chegar a todos os públicos, sobre todo aos nenos que son os que máis gozan con esta época do Nadal. Esta actividade está fomentada polo Concello e polo CCL Estrela de Marín.
O Mago Paco non foi só ata o centro escolar, se non que estivo moi ben acompañado por unha axudante de Papá Noel, á que os nenos puideron facer as súas peticións de face ao día de Nadal. Ademais do Colexio San Narciso, o mago tamén visito o colexio de Seixo.
Durante a mañá deste mércores, o Mago Paco estará nos colexios do Grupo, O Sequelo e Nosa Señora do Carme.
O&xoves nbsp;será o último día de actuacións nos centros de Carballal e A Laxe.
