Un menor caeu da bicicleta cando circulaba pola Avenida da Cañota, no concello de Marín. Un alertante avisou do accidente ao 112 Galicia ás 16:30 horas do luns.
O home que realizou a chamada asegurou que o neno non reaccionaba. A pesar de que o Servizo de Urxencias Sanitarias de Galicia-061 foi prevido, foi o pai quen trasladou ao menor a un centro sanitario da localidade.
Os axentes da Policía Local, os Bombeiros de Pontevedra, do Morrazo e os efectivos de Protección Civil de Marín tamén foron informados do suceso polo 112 Galicia.