O Ateneo Santa Cecilia clausurará este sábado a XXVI edición da exposición 'Voilà a Femme', unha mostra comisariada por Celeste Garrido e coordinada por Belén Diz, que reúne as obras de María Gar, Ana Miguelez, Anubis Muñoz, Doce Herrera e Alexandra Rei. "Cinco artistas en clave feminina, con obras e estilos moi dispares, orixinais e de gran talento creativo", destaca a asociación marinense.
A mostra, que aínda se poderá ver mañá de 11.00 a 13.30 horas, xa se consolidou como parte inseparable da programación cultural anual do Ateneo Santa Cecilia.