París de Noia namora en Marín

A orquestra París de Noia namorou ás case 2.000 persoas que tiveron a oportunidade de gozar co espectáculo do Xira do Camiño, unha auténtica homenaxe á música dos últimos 60 anos (galega, nacional e internacional), cunha posta en escena que impresionou ao público en moitos momentos e que acabou por arrincar tamén os aplausos dos máis pequenos cando ofreceu unha selección dos temas máis coñecidos de Disney.

A formación aproveita todos os recursos técnicos e humanos de que dispón, dunha magnífica calidade (pantallas, iluminación e son de última xeración), bailaríns, acróbatas, cantantes do máximo nivel, incluído José Antonio Blas, e unha orquestra sinxelamente espectacular.

A pesar de que o público tivo que permanecer sentado durante o concerto, ninguén tivo un segundo para o aburrimento, xa que todo a musical conta cunha enorme forza audiovisual e unha continuidade excepcional.

Desde unha homenaxe aos Tamara (con Pucho Boedo), pasando por éxitos internacionais como, por exemplo, de Queen ou Abba. banadas sonoras inesquecibles e percorrendo a mellor música española das últimas décadas do século pasado con Fito e Fitipaldis, Celtas Cortos ou Los Secretos.

París de Noia afástase nesta ocasión da música de maior actualidade e do regaetón que o enche non todo nos últimos anos para facer "unha homenaxe á música con maiúsculas", como explica o seu director e tamén histórico cantante da formación, José Antonio Blas Piñón.