A Plataforma en Defensa dos Montes do Morrazo critica o "incesante e irreversible" impacto ambiental das obras de desdobramento en autovía do terceiro subtramo do corredor do Morrazo e denuncia que están "a agravar" os "problemas viarios".
Tras a visita da conselleira de Infraestruturas, Ethel Vázquez, ás obras de ampliación do corredor, esta plataforma insiste en que "están a aumentar os parámetros de contaminación" desde que se abriron ao tráfico os anteriores subtramos desdobrados.
Así mesmo, alerta de que cando se terminen as obras da autovía do Morrazo "pase a ser directamente de pago baixo unha peaxe ou taxa impositiva". Este colectivo sinala que "as únicas beneficiarias en termos economicistas" son "as grandes empresas construtoras das infraestruturas".
Pola súa banda, a Plataforma en Defensa dos Montes do Morrazo resolve que "a sustentabilidade está na desincentivación do uso do automóbil privado e na progresiva substitución do transporte de mobilidade a medias ou grandes distancias polo transporte colectivo e intermodal", así como nos "carriis bici e peonís" integrados na rede viaria existente.
