O Porto de Marín acolleu este luns un dobre operativa de carga e descarga nos peiraos Adolfo Reboredo, na zona de expansión da rada. En concreto, levou a cabo unha carga e descarga de colectores e unha carga de eólico con destino a Houston, Estados Unidos. Para realizalo empregáronse os guindastres portacontedores e os dous guindastres automóbiles dispoñibles no Porto marinense, segundo informou Autoridade Portuaria.
O buque Visitor, consignado por Pérez Torres Marítima, foi o encargado de realizar a operación de 10.000 toneladas de mercancía contenerizada. Doutra banda, o mercante Singelgracht do Grupo Nogar, levou a cabo a carga en cuberta de 29 tramos de pezas eólicas con destino a un proxecto en Houston.
Ademais, a rada marinense levou a cabo tamén o luns a saída dunha composición ferroviaria de cereais con destino ás avícolas de Taboadela e preparou para a súa saída en tren durante a tarde unha carga de bobinas de chapa de aceiro.
