O Concello comezou este xoves a repartición das botellas co lema Limpa o pisete nun periquete da nova campaña de concienciación impulsada polo Goberno local, coa que se busca responsabilizar aos propietarios dos cans de limpar os ouriños das súas mascotas e manter a vía pública limpa.
Durante a primeira xornada, á que acudiron as edís Marián Sanmartín e Itziar Álvarez, repartíronse máis de 140 botellas. Este venres continuará a repartición na Oficina de Turismo de Praza de España de 12.00 a 15.00 horas e de 18.00 a 21.00.
A edil de Medio Ambiente, Marián Sanmartín, mostrou a súa satisfacción coa acollida que está a ter a campaña, xa que se está notando un aumento nos cans censados". Sanmartín anunciou a posibilidade de levar este tipo de campañas aos colexios para concienciar aos máis pequenos.