Un neno foi rescatado na tarde do martes tras sufrir unha caída nunhas rocas na praia de Mogor. Atopábase pescando en compañía do seu pai e doutro menor e presentaba un golpe na cabeza por mor da caída.
Segundo fontes policiais, o menor tiña perdas de consciencia puntuais e sufriu un episodio espasmódico.
O mozo accedera xunto ao seu pai e outro menor a unha zona de rocas fronte ao estacionamento do areal para pescar e, por causas aínda descoñecidas, sufriu unha caída. Un particular foi o que deu o aviso aos axentes da Policía Local ao redor das 14.40 horas do martes tras escoitar os berros de auxilio na zona.
Nun primeiro momento solicitouse a axuda de Salvamento Marítimo para evacuar ao menor pero, tras comprobar que o neno podía moverse, foi auxiliado por axentes da Policía Local coa axuda da Policía Nacional e o propio pai do menor.
Unha vez atopouse nunha zona segura, foi atendido polos sanitarios nunha ambulancia medicalizada.
