A promesa electoral do Partido Popular, encabezada pola rexedora María Ramallo, para mellorar o tráfico na Rúa Francisco Landín Pazos farase realidade. O proxecto de humanización deste viario xa está elaborado, pero ten aínda por diante un longo proceso burocrático e atópase á espera de obter financiamento.
Esta rúa é
O obxectivo da obra é converter a rúa nun só sentido de baixada, creando así un único fluxo de circulación con saída pola Rúa do Souto cruzando a barriada, ou pola Rúa Busto de Arriba, detrás do Centro de Saúde, que dá saída á Avenida Alcalde José do Río.
TERRAZAS. O Concello traballa nestes momentos nunha ampliación da beirarrúa á altura do bar que se atopa nesta rúa para proporcionarlle un espazo no que poder instalar unha terraza. O obxectivo, explican fontes municipais, é facilitar a este local un espazo exterior, inexistente ata o momento, para posibilitar a súa actividade ante as restricións de aforamento. A obra, financiada polo Concello, segue o exemplo doutra xa realizada na Rúa Ezequiel Massoni o ano pasado.
Este novo espazo está a levarse a cabo seguindo xa a aliñación da futura beirarrúa, que aumentará a súa anchura para facilitar o tránsito peonil no viario.
Polo momento non se cambiará o sentido circulatorio da rúa, que seguirá sendo de dobre sentido ata que o proxecto obteña financiamento.