lunes. 18.11.2019 |
El tiempo
lunes. 18.11.2019
El tiempo

El Seprona rescata a una zorra que un vecino de Cangas retenía en su casa para entrenar a sus perros de caza

O raposo retido en catividade por un veciño de Cangas. DP
O raposo retido en catividade por un veciño de Cangas. DP

O home, denunciado polo Seprona, terá que afrontar unha sanción de entre 601 e 6.000 euros

A Patrulla do Seprona da Garda Civil de Cangas denunciou un veciño do municipio, que podería incorrer nunha infracción grave á lei de caza por ter un animal silvestre en catividade. Trátase dun raposo vivo, que o home capturara meses antes no interior do galiñeiro anexo á súa casa. Segundo relatou, tíñao retido para utilizalo como parte do adestramento dos seus cans de caza, sen ningún tipo de autorización administrativa.

Ante estas circunstancias, o Seprona procedeu á incautación do animal, unha femia que tiña no seu pescozo unha correa e estaba suxeita por unha cadea metálica que utilizaba o seu posuidor para evitar que se escapase. Unha vez recuperado o animal, foi trasladado ao Centro de Recuperación de Fauna Silvestre de Cotorredondo, ao obxecto de que poidan valorar o seu estado e posible readaptación ao seu medio natural.

A actuación da Garda Civil concluíu denunciando a este veciño de Cangas como presunto autor dunha infracción grave tipificada na Lei de Patrimonio Natural e da Biodiversidade, en concordancia coa vixente Lei de Caza de Galicia. A denuncia formulada remitiuse á Delegación Provincial da Consellería de Medio Ambiente en Pontevedra, que será o órgano competente para incoar o correspondente expediente sancionador, do que puede derivar unha sanción económica desde 601 a 6.000 euros.

El Seprona rescata a una zorra que un vecino de Cangas retenía en...
Comentarios