A gastronomía dáse cita en Santomé os días 12 e 13 de outubro na vixésima primeira edición da súa Festa da Mazá e da Sidra.
Unha das citas culinarias máis importantes do rural marinense, que o ano pasado atraeu preto de 3.000 persoas, presentouse este venres en presenza de varios representantes do Concello. Trátase dun evento cunha preparación previa moi específica. E é que para poder atender a demanda que se prevé vai existir durante ese fin de semana en Santomé, a organización calcula que será preciso recoller un total de 5.000 quilos de mazás, cos que poder elaborar os 2.000 litros da bebida honorífica da cita, a sidra, que se servirá durante os dous días de festexos.
A mazá e a sidra serán os produtos estrela da sexta edición da festa gastronómica da parroquia de Santomé
PROGRAMACIÓN. Entre a programación, que dará comezo ás 10.30 horas cunha andaina para todos os públicos, atópase, ademais, a tradicional carreira Pinga-Pinga, que empezará ás 11.00 horas.
A noite do sábado pecharase cunha verbena, a partir das 21.00 horas, que amenizará a noite tras a actividade de tarde, que terá lugar ás 17.00 horas e que permitirá a todo interesado en participar, levar a cabo un paseo dacabalo. Para inscribirse, pódese contactar coa organización a través dos números de teléfono 654 982 023 ou 647 854 470, onde se poderá obter información sobre prezos e o lugar de pago da inscrición.
A charanga Fanfarria Furruxa porá música o domingo e as verbenas amenizarán ambas as noites a partir das 21.00 horas
O DOMINGO. A segunda xornada abrirá as súas portas ás 10.00 horas para que todos os asistentes poidan degustar un día máis dos diferentes produtos elaborados a partir da mazá, a froita de honra de Santomé durante este fin de semana. Tamén participará no evento unha pulpeira do Carballiño e a charanga Fanfarria Furruxa amenizará durante todo o día a festa.
ás 11.00 horas levará a cabo outro percorrido dacabalo, para o que non é necesario inscribirse previamente. á 13.00 horas Tania Fuegho recitará o pregón tradicional e ás 17.30 horas darase comezo á exhibición A maxia do cabalo e ás 19.30 celebrarase o concurso de empanadas de mazá. A xornada pecharaa unha verbena, que fará vibrar á parroquia de Santomé a partir das 21.00 horas.
