O tornado produciuse ao redor das 16.00 horas nas inmediacións do porto de Meira. As instalacións máis afectadas foron as do club de remo Samertolameu.
O fenómeno meteorolóxico durou poucos minutos pero causou diversos danos. Segundo fontes policiais, anacos do tellado do citado club saíron voando causando varios danos en vehículos que se atopaban estacionados na zona. A antena do edificio tamén resultou prexudicada.
Ademais, un desprendemento de pedras detras do estaleiro de Rodman provocaron un corte de varias horas nun camiño próximo ao porto. Unha árbore de grandes dimensións caeu preto da pista de atletismo e Bombeiros do Morrazo tamén tivo que intervir para arranxar un cable que se desprendeu polo pequeno furacán.
A empresa adxudicataria do servizo de recollida de limpeza no concello de Moaña, Recolte, tamén desprazou ata o lugar dos feitos a varios traballadores xa que algúns colectores desprazáronse polo forte vento.
