Vecinos da Travesía do Forno denunciaron a existencia dun posible narcopiso nesa mesma rúa do municipio marinense. Varias fontes veciñais aseguraron que se trata da reaparición deste tipo de vivenda na zona, xa que hai un tempo xa viviran a mesma situación, que foi posteriormente intervida polos corpos de seguridade.
Esta situación comezou, segundo contan os veciños, o pasado 20 de maio, polo que levan "aguantando" oito meses este tipo de acontecementos que co paso dos meses fóronse agravando. Tras pasar practicamente preto de 15 días sen altercados, "nos últimos días as cousas puxéronse peor e as rifas cada vez son máis fortes".
E é que ademais de denunciar os constantes trapicheos, os veciños indicaron que adoitan darse situacións de ameazas por parte dos inquilinos ao resto de residentes do inmoble, así como de agresividade entre os traficantes e roubos do mobiliario do propio edificio. Os afectados aseguran que xa advertiron en numerosas ocasións ao propietario da vivenda, sen recibir resposta algunha pola súa banda.
"Hai moitos veciños con moito medo. Neste edificio viven moitas persoas maiores e tamén hai nenos. Estamos todos moi asustados e moitos non queren denunciar", indica un dos residentes do edificio, que na madrugada do sábado tivo que chamar á Policía Local despois de que ao longo da noite se desen varias situacións de suposta venda de drogas. Os afectados tamén indican que claramente se saltan o toque de queda para trapichear e van sen máscara a todos lados".
"Moitos clientes ao final case sempre son os mesmos, e todos con antecedentes e coñecidos por andar con drogas, pero ás veces vén outro tipo de xente máis preparada e incluso con coches de alta gama", explican os veciños sobre o tipo de em <>clientela que frecuenta a narcovivienda.
"En comparación co anterior narcopiso, aínda que é a mesma dirección, os inquilinos traballan máis a baixa escala, pero se se lles deixa as cousas poden ir a peor", conclúen.
Máis aló da problemática da okupación, o eixo principal da denuncia que fixeran os veciños de Cantodearea é que eses mesmos usurpadores estaban a crear unha zona de trapicheo e tráfico de drogas.
Igual que os veciños da Travesía do Forno, tamén manifestaron a súa preocupación durante as noites, xa que en moitas ocasións "non podemos pegar ollo polo ruído que fan, con berros e golpes". E é que, ademais, a gran parte dos afectados son persoas maiores e familias con fillos, que viven con preocupación "".
Este tipo de problemáticas con respecto aos narcopisos é unha situación que cada vez preocupa máis aos veciños de Marín.
