Unha multitude de xente partiu este xoves do Concello de Cangas para demandar xustiza para os falecidos por mor da covid-19 nas residencias de anciáns.
A asociación Vellez Digna, que leva semanas concéntrandose ás portas da residencia DomusVi de Aldán para denunciar a falta de recursos do centro, foi unha das participantes. Tamén acudiron ao evento, que tivo lugar a partir das 20.00 horas, o Movemento en Defensa das Pensións Públicas, Modepen, e as Traballadoras de Residencias de Galicia, Trega.
Os colectivos demandan unha investigación e uns servizos sociais 100 % públicos.