Dous accidentes de tráfico en Cambados sáldanse cunha persoa ferida

Dous accidentes rexistrados este domingo no concello de Cambados saldáronse cunha persoa ferida.

O primeiro deles rexistrouse na EP-9504 ao seu paso Besomaño. O condutor dun turismo, J.F.G. de 50 anos, tivo que ser evacuado ao Hospital do Salnés nunha ambulancia do 061. Ata o lugar do accidente trasladouse unha patrulla da Garda Civil así como efectivos de Protección Civil de Ribadumia e de Tráfico.

Posteriormente tivo lugar un segundo accidente no lugar de Pardilla, Vilariño, que se saldou sen feridos. Un dos vehículos causo danos a mobiliario urbano. Na intervención colaborou a Garda Civil de Tráfico.