Unha muller apareceu morta no mediodía deste venres na praia de Riasón, na Illa de Arousa, baixo unhas circunstancias que aínda se descoñecen.
A vítima é unha veciña de Avilés que se atopaba pasando uns días en casa da súa sobriña con motivo da celebración da primeira comuñón do fillo desta.
Ao parecer, a muller acudiu ao areal para pasar uns momentos de lecer a soas, lugar no que finalmente foi localizado o seu corpo.