Axentes da Policía Local de Sanxenxo achegáronse na mañá deste mércores ao IES Vilalonga para realizar un simulacro de evacuación dun autobús en caso de accidente, incendio ou calquera outro altercado.
A actividade, que se desenvolve cada ano co fin de concienciar aos máis novos sobre a seguridade neste tipo de incidentes, estivo organizada pola propia Policía Local en colaboración coa empresa Monbus e a dirección do centro educativo.
