O corpo sen vida do veciño de Vilanova de Arousa desaparecido en Porto Meloxo, en O Grove, cando faenaba nunha embarcación foi atopado este venres por particulares nas proximidades da ponte de A Illa de Arousa.
Segundo a información recibida polo 112 Galicia, o home saíu para pescar a medianoite e non regresou ao domicilio, o que deu inicio a un operativo de busca que contou coa intervención do persoal do Servizo de Gardacostas de Galicia, Salvamento Marítimo, Servizo Local de Emerxencias do Grove, Protección Civil de Vilanova, Policía Local e Garda Civil.
O corpo foi trasladado ao peirao de Vilanova de Arousa e as forzas da orde tratan agora de aclarar as circunstancias do suceso.
A vítima éRamiro Lago, un veciño de Vilanova de 43 anos que saíu pescar a pasada medianoite e non volveu á casa. A súa embarcación foi achada á deriva.
