Andrés Calamaro, Fangoria coas Nancys Rubias, Los Planetas e La Casa Azul atópanse entre as primeiras confirmacións do festival Atlantic Fest 2022, que se celebrará en Vilagarcía de Arousa lvos días 15, 16 e 17 de xullo.
Os organizadores confían en poder recuperar o formato orixinal do festival, tras dous anos marcados pola pandemia, que obrigaron a suspender a edición de 2020 e apostar por concertos con aforamentos reducidos na de 2021.
Ya está aquí Atlantic Fest 2022
— Atlantic Fest (@Atlantic_Fest) January 21, 2022
Llevábamos soñando con este momento dos años y ya ha llegado!
Entradas a la venta el lunes 24 a las 9:00 en https://t.co/E46oTpY2FD
Abonos a 45€ solo 24 horas. pic.twitter.com/eR3zGRqOhu
O primeiro avance do cartel musical do Atlantic Fest complétase con María Arnal i Marcel Bagés, Rojuu, Os Irmáns Cubero, El Último Vecino, Depresión Sonora, Kora, Las Dianas e Rocío Saiz.
O festival estreará en 2022 un novo escenario para os concertos, a praia da Concha, onde se desenvolverán a maior parte das actuacións durante os seus tres días.
As entradas para o Atlantic Fest deste ano poranse á venda a partir do próximo luns 24 de xaneiro a un prezo de 45 euros
Os abonos adquiridos para o festival de 2020, cancelado pola pandemia, serán válidos para a edición de 2022.