lunes. 29.11.2021 |
El tiempo
lunes. 29.11.2021
El tiempo

Un camión de lixo envorca en Ribadumia e obriga a cortar un carril da AG-41

Una imagen de la AG-41. ARCHIVO
Una imagen de la AG-41. ARCHIVO
O condutor tivo que ser atendido por persoal sanitario

A saída de vía dun camión, que quedou envorcado na calzada, obrigou a cortar un carril da Autovía de O Salnés ao seu paso por Ribadumia. Foi un particular quen, pasadas as 16.30 horas, chamou ao centro de atención ás urxencias para alertar de que un vehículo de recollida de lixo acababa de sufrir un accidente e envorcar  no punto quilométrico nove da AG-41, nos carrís de sentido a Pontevedra. Ademais, indicou que o camioneiro estaba fóra da cabina.

Os xestores do 112 deron aviso aos servizos sanitarios, aos axentes da Garda Civil de Tráfico e aos Bombeiros e membros de Protección Civil de Ribadumia. Ademais, tamén se desprazaron ata o lugar efectivos de Protección Civil de Cambados. Unha vez alí, o condutor foi atendido polo persoal sanitario.

Un dos carrís da vía tivo que ser cortado, debido á caída de parte da carga do camión, mentres levaban a cabo tarefas de limpeza. Así, tamén se informou do sinistro ao persoal de mantemento de estradas para asegurar e restablecer as condicións da calzada.

BOIRO. Doutra banda, no concello de Boiro, o sistema E-Call alertou ao 112 Galicia dunha colisión entre dous vehículos en Cespón pasadas as 18.30 horas. O ocupante dun dos coches informou mediante este sistema de que acababa de chocar contra outro na estrada comarcal AC-305. Resultaron feridas tres persoas e unha delas tivo que ser trasladada ao Hospital do Barbanza.

OLEIROS. Á mesma hora, dúas persoas resultaron feridas leves e tiveron que ser trasladadas logo de chocar dous coches en Oleiros. O 112 Galicia tivo constancia dos feitos, ocorridos na N-VI, a través da chamada dun particular.

Un camión de lixo envorca en Ribadumia e obriga a cortar un carril...
ç