O persoal de celadores do Hospital do Salnés denuncia "a política de privatización" das funcións propias inherentes á súa categoría que está a levar a cabo a xerencia da Estrutura de Xestión Integrada (EOXI) "co amparo do Sergas".
Os celadores levaron a cabo unha concentración silenciosa ás portas do centro sanitario para manifestar a súa desconformidade con la privatización dos postos de información e o control de accesos ao hospital.
"Estas funcións son propias da categoría de celador, tal e como figura no Estatuto de Persoal non Sanitario", indican. A privatización destes postos de traballo, engade o colectivo de celadores, supón un incremento do gasto de diñeiro público e un menoscabo das súas funcións.
"Esiximos que non se use o erario público para untar empresas privadas e favorecer intereses económicos particulares, cando a Administración ten traballadores capacitados e facultados para a realización dos devanditos labores, como son os celadores", sinalan nun comunicado que entregaron tras a concentración.
O colectivo de celadores asegura non entender que se contrate a unha empresa privada de seguridade para controlar os accesos de strong <>visitantes e usuarios ao Hospital, cando esta é unha función propia do celador e sairía moito máis barata se fose realizada polo propio persoal do Sergas en lugar de por unha empresa privada externa.
CARENCIAS DE PERSOAL
Os celadores tamén quixeron pór de manifesto as carencias que sofre no número de efectivos da categoría para o desempeño dos seus labores diarios.
Algo que, segundo indicaron os seus portavoces, "nos strong<> obriga traballar en varios servizos durante o mesmo quenda".
O persoal solicita que os 11 celadores que foron contratados como
Segundo explican, o que o Sergas entende como un reforzo, en realidade non o é, "xa que consideramos que debería ser o habitual en condicións óptimas de traballo, non no medio dunha pandemia".
Ademais da concentración levada a cabo hoxe venres, os celadores do Hospital do Salnés solicitaron sendas reunións coa dirección de Enfermería e coa de strong<> Recursos Humanos do EOXI de Pontevedra e O Salnés a fin de facerlles chegar as súas reclamacións.
