O Concello que dirixe Telmo Martín expuxo durante toda a tempada estival un conxunto de actividades culturais que van da man de organizacións como Terra de Sanxenxo ou o Departamento de Animación Sociocultural. Tamén a clásica oferta de lecer estival sempre resulta unha moi boa opción a ter en conta.
Nos ao redor de máis de 36 quilómetros que abarca a costa de Sanxenxo, un dos puntos de interese turístico máis frecuentados son os populares chiringuitos de praia, entre os que se atopa o local de Castaño Praias. "Paramos a tomar un mojito e sen darnos conta levamos aquí un par de horas", sinala un dos clientes do establecemento hostaleiro. As súas palabras non deixan lugar a dúbidas con respecto ao magnífico ambiente que se respira durante as tardes de verán no areal de Silgar.
"A masificación vai por días", declara a camareira do posto, Carmen Arias
Desde as 11.00 horas ata as 23.00 (horario ampliable os fins de semana) pódese gozar dos servizos que ofrece Castaño Praias, que no transcurso do día sofren unha transformación progresiva. "é curioso como as comandas van cambiando segundo pasan as horas. Empezamos con cafés, seguimos con cervexa e terminamos con cócteles". E é que a combinación que ofrece o local coa contorna é única. Trátase dunha experiencia que non deixa indiferentes a turistas nin veciños .