A Xunta de Galicia enviou este xoves aos órganos consultivos o informe que permitirá incoar o expediente para declarar Ben de Interese Cultural (BIC) o xacemento romano de Adro Vello, situado na Praia do Carreiro (O Grove). é un traballo elaborado pola Dirección Xeral de Patrimonio Cultural que detalla a súa importancia histórica, cultural e científica.
A información entregada ao Consello da Cultura Galega, a Real Academia Galega de Belas e a Facultade de Xeografía e Historia da Universidade de Compostela establece que a proposta se fundamenta na súa importancia dentro do panorama arqueolóxico, por ser un dos xacementos máis destacados de Galicia.
A proposta da Consellería de Cultura, Educación e Universidade inclúe, ademais da zona escavada, o área comprendida ata o enclave granítico situado ao sur e a antiga fabrica de salgadura, ata a punta mariña que pecha a Praia do Carreiro e a súa ensenada.