A Garda Civil detivo este martes pola mañá a G.G.L., coñecido como Gustavo o Ferrolán, de 33 anos, veciño de Vilalonga, en virtude dunha orde xudicial de ingreso en prisión.
Esta persoa, que ten un amplo historial delituoso por delitos contra o patrimonio no municipio de Sanxenxo, fora detido ultimamente pola súa presunta participación no roubo da oficina de Correos de Vilalonga.
Foi arrestado este martes pola mañá por efectivos do Posto Principal da Garda Civil de Sanxenxo nas inmediacións do seu domicilio, en virtude dunha orde de detención e ingreso en prisión ditada polo Xulgado do Penal 1 de Pontevedra, para cumprir unha condena pendente de seis meses.
Este martes será trasladado ao centro penal da Lama.
